2024-04-13
被噤聲的台灣文學、重現 關仔嶺石灰｜台灣記事簿
【被噤聲的台灣文學】
佇戒嚴時代，有一陣人是冒著生命危險，嘛袂看政府禁止人民看的冊。面對查緝，出版社、冊店佮作家攏愛遮細膩，才有法度安全度過這个動盪的時代。到底佇這个戒嚴時代，啥物冊會使出版？啥物冊會使看？政府有出一套查禁標準，有分紅色、黃色佮黑色，紅色是左派思想，黃色是色情，黑色是有關政治內幕的內容。所以彼段時間，人民就愛照查禁標準來揀冊，毋過，標準的定義誠無清楚，四常予人霧煞煞。譬如講，台灣重要的文學家葉石濤伊干焦讀《新資本論》就予送去坐監，甚至金庸的武俠小說嘛予查禁。
【重現 關仔嶺石灰】
你敢知影關仔嶺二十外年前，是一个生產石灰出名的所在，後來因為政府禁止採礦，這个所在就沓沓仔落坐，甚至到民國八十年全台灣攏總禁採，所以這馬台灣大部份的石灰原料攏是對外地進口。但是禁採令頒佈了後，留落來的工寮、石灰佮傳統窯攏無路用，所以為著欲予逐家共這段歷史記牢咧，店仔口文教協會佇石灰工廠外口做一个石灰窯的裝置藝術，希望民眾會當知影著關仔嶺過去一段輝煌的歷史。
4/14 禮拜日暗時七點半，綴台灣記事簿先來研究向時被噤聲的台灣文學，才閣來考古咱台灣的驕傲關仔嶺石灰。
了解更多 →
