半點鐘講人生

你甘知影佇南臺灣，有偌濟隱藏版的奇人奇事？ 

✽ 佇高雄開真濟間店的張老闆，自稱無讀啥物冊，煞變成米其林餐廳的顧問！你真有可能捌去過伊的店，伊專開有特色的店，而且想欲開一間會當留甲200年的店！

✽ 王建築師專精鐵工技術，捌策畫142萬人次的「高雄國際貨櫃藝術節」，但是伊嘛捌陷入塌底，口座只賰936箍！這个過程，引起著伊對做工課的新看法！

✽ 紀老師自細漢想欲做 bàng-gà 厝，煞行上音樂路，本底拍算欲佇北部發展，結果煞轉來高雄做樂師。因為予警告定定佇店內彈家己佮意的音樂予人客聽，只好家己去開音樂餐廳，結果成做高雄第一間 Live Pub！

人生路有時陣就親像平行時空，若是你，會行向佗一條？ 

公視臺語台首創《半點鐘講人生》臺語講堂，半點鐘久現榨的人生精華，講出對生活特別的看法佮體驗。

節目由「金馬獎」、「 金鐘獎」影帝陳慕義主持。1月17日起，每禮拜六、日中晝12:30，佇咧公視台語台佮逐家見面。