替台語戲齣鋪大路、花玻璃的記持｜台灣記事簿
【替台語戲齣鋪大路】近年來，新出的台語戲齣不止仔濟，有重現戲班風華的《勇氣家族》，烏色笑詼齣《殺手老不休》，也有以台灣五大奇案發展的原創舞台劇《十殿》，台語戲齣的發彩增加市場對台語演員的需求量。為著因應大興的台語戲齣市場，真濟團隊會請「台語指導」來調整演員的發音、用詞。一場成功的演出除了靠演員的表現、舞台設計、導演的指導等要素組成，劇本更加是規齣作品的基礎。佇業界用華文寫台語戲齣佔多數，猶毋過有愈來愈濟人投入，建立台文學習的體系，希望會當替台語戲齣的未來開一條路。
【花玻璃的記持】
花玻璃是咱這个時代的共同記持，毋過，這个舊記持這馬煞袂面對消失的問題。閣有，花玻璃的圖樣符號欲按怎佮新時代產生連結，嘛是咱逐家愛思考的問題。不而過，其實早有一陣人佇咧為這件代誌認真打拚，而且佇𪜶的打拚，舊記持的花玻璃這馬成做新時代的文創商品。以早佇咧台灣的老厝，真四常攏會當看著花玻璃，伊的圖樣誠濟，有海棠花、十字紋等等，攏足媠的。毋過，彼當陣時行花玻璃的原因是啥？竟然佮咱較早做玻璃的技術無夠好有關係？
10/13 禮拜日暗時七點半，綴台灣記事簿做伙替台語戲齣鋪大路，揣轉花玻璃的記持。
了解更多 →
