歌仔上青、寫咱的歌｜台灣記事簿
【歌仔上青】
全台𠢕唱歌仔戲的人，攏來歌仔戲發源地－宜蘭，參加歌仔上青-2023全國歌仔戲比賽 。這嘛是傳統藝術中心頭一改舉辦全國性的唱歌仔比賽，報名人數超過3000人，而且上細漢的參賽者才6歲！對內台到外台，對電視到廣播，歌仔戲表演的形式綴時代咧改變。文化部推捒台語主流化政策，敢有法度共「抐涼唱歌仔」的台語生活、少年子弟揣轉來，唱出台灣本土的心聲？
【寫咱的歌】
3个月內學會曉寫歌？董事長樂團林大鈞講：「我是做音樂30年的人，這是一件無遐爾簡單的代誌。」政府大力推捒台語主流化，嘛實行轉型正義，佇中正紀念堂內底，林大鈞𤆬各行各業的人，用台語寫人生頭一條歌。用台語唱出家己的心聲，行向未來，唱咱家己寫的歌，迎接台流文藝復興！1/7 禮拜日暗時七點半，綴台灣記事簿先來看上青的歌仔戲展工夫，閣來學寫咱家己的歌。
了解更多 →