海山之殤、替台語戲齣鋪大路｜台灣記事簿
【海山之殤】四十冬前，海山礦災改變真濟炭工家庭的命運；四十冬後，有一陣人想欲將海山的歷史重現，予逐家來了解當年的海山礦災到底發生啥物代誌，閣有偌濟人予影響。1970到85年之間炭工的死亡人數有1200个人遐濟，平均每8工就會發生一个事故，逐年過身的人超過80个人。1984年的三大礦災分別是海山、煤山佮海一礦災，捐款有到五億遮濟，毋過政府煞無法度交代詳細的善款是按怎咧運用，雖然炭工的家屬捌去抗議，毋過煞無得著回應。
【替台語戲齣鋪大路】近年來，新出的台語戲齣不止仔濟，有重現戲班風華的《勇氣家族》，烏色笑詼齣《殺手老不休》，也有以台灣五大奇案發展的原創舞台劇《十殿》，台語戲齣的發彩增加市場對台語演員的需求量。為著因應大興的台語戲齣市場，真濟團隊會請「台語指導」來調整演員的發音、用詞。一場成功的演出除了靠演員的表現、舞台設計、導演的指導等要素組成，劇本更加是規齣作品的基礎。佇業界用華文寫台語戲齣佔多數，猶毋過有愈來愈濟人投入，建立台文學習的體系，希望會當替台語戲齣的未來開一條路。
8/25 禮拜日暗時七點半，綴台灣記事簿了解礦災受難者的疼痛佮求助，閣來看台灣的少年人是如何替台語戲齣鋪大路。
了解更多 →
