行入猴硐炭礦、重新看見熱蘭遮｜台灣記事簿
【行入猴硐炭礦】
「入空挖塗炭，性命賰一半」，講的是挖炭礦工的心酸。台灣塗炭發展，對1876年八斗子塗礦算起，到2001年上尾一个礦坑關起來，行過125年。
捌創造輝煌「烏金歲月」的幕後功臣，是冒著性命危險入坑的礦工。一陣老礦工用家己的退休金，做伙共瑞三本礦邊仔的礦業遺址租落來，整建做「猴硐礦工文史館」。
in欲共這段打造臺灣能源產業的烏金故事，完整保存落來。
【重新看見熱蘭遮】
「咱台灣行入世界舞台的第一大步，是對這步開始的。」
1624年，荷蘭東印度公司VOC佇台南安平，當時的「大員」，建立貿易據點「熱蘭遮城」。了後瓷仔、芳料、紡織品佮大量白銀，佇遮轉口交易。台灣成做VOC亞洲貿易佮航運的轉運站。
嘛予大員成做台灣上早有都市規劃的城鎮。時代變遷，主權轉變，熱蘭遮城經歷荷治、明鄭、清代、日治到二戰後，400年來，見證這塊土地累積的歷史過往。
10/15 暗時 7:30 綴台灣記事簿行入猴硐炭礦，入空挖塗炭。才閣來看台灣第一个大員市鎮。
了解更多 →