【拄著好所宅診所】佇雲林有一个「好所宅」，一改解決無法度出門看醫生的序大人所有的煩惱！「好所宅」到厝支援診所，有醫師、護理師、藥師、居服員，全方位提供社區健康照護，予序大人攏會使揣到適合家己的照護方式，安心佇厝生活。好所宅診所對一位醫師、一位護理師開始，𪜶是按怎愚公移山，按怎開始在宅醫療的「價值革命」咧？台灣的在宅醫療愈向前行，社區照護是扮演足重要的角色。     【做伙來去社區開病房】面臨高齡化社會的挑戰，台灣敢有做好準備？為著因應超高齡社會老人急症照護的需求，健保署欲推動「在宅急症照護」試辦計畫，也就是「踮厝蹛院」的計畫，予有急性照護需求的濟歲人有機會選擇，佇咧厝裡接受醫護照顧，予𪜶過𪜶想欲過的生活。佇「在宅急症照護」試辦計畫內底，嘛有另外閣一个要求，就是講一定愛先有配合的病院，萬一佇厝內照顧若有變化，需要蹛院的時陣，會當馬上送到病院，需要有一个24點鐘的服務專線。 4/28 禮拜日暗時七點半，綴台灣記事簿先來拄著好所宅診所，才閣做伙來去社區開病房。

了解更多 →