【照護新選擇踮厝蹛院】今年七月初一健保署開始推動「在宅急症照護試辦計畫，醫師佮護理師等人員會到病人兜，提供像蹛院時急性診療服務。毋過，其實佇政府開始這个政策進前，已經有一陣人咧做踮厝蹛院的計畫，就是都蘭診所，嘛是台灣頭一个開始按呢做的診所。想欲改善急診的困境，需要大量降低病人數，毋過現行的試辦計畫，適用的對象病症無濟，效果有限。目前會當參加這个試辦計畫的病症有三種，第一種是肺炎，第二種是尿道感染，第三種是軟組織感染。【小鎮醫師的故事】最近佇臺史博有一場誠特別的展覽是以「病歷」做主題，病歷這个問題是以前踮咧臺史博是毋捌展覽過，而且佇咧學界嘛真少討論算講一个真新的物件，病歷會當𤆬咱看著規个時代台灣社會的演變。這馬醫生毋是佇病院就是佇診所，猶毋過較早的醫生基本上攏佇社區內底，病人若蹛較偏遠的所在，醫生攏會去往診，病人和醫生的距離會加真接近，所以這款和社區的關係、醫病關係其實是咱台灣社會真重要的資產。 8/11 禮拜日暗時七點半，綴台灣記事簿熟似照護新選擇—踮厝蹛院，閣來看小鎮醫師的故事。

了解更多 →