弓袂落去的護理系統、一週歇三日 敢有法度｜台灣記事簿

【弓袂落去的護理系統】

衛福部統計，逐年大約有5千位護理師辭頭路，預估到2030年台灣的護理師人力會欠5萬5千人。病院的護理師，除了愛顧病人的狀況，閣愛處理陪病者佮家屬的需求、情緒，定定是添甲纘袂牢。

2025年，台灣有護理師執照的人數，大約30萬9千人，毌過實際有咧執業的大約是19萬8千人，干焦佔六成爾爾。薪水低、工課濟、輪班，攏是護理師無想欲繼續做的關鍵原因，欲按怎改善環境佮制度，是現此時真要緊的問題。

【一週歇三日 敢有法度】
2024年，臺灣勞工平均一冬的工時，是2030.4點鐘，佇亞洲國家排第二，全世界排第五。
佇台中大雅，有成立28冬的塑膠工場，試行一禮拜歇三工，共一禮拜40點鐘的工時，降到一禮拜32點鐘；實驗三個月了後，毌但業績提懸，員工對公司的認同感嘛提懸，另外也有台灣的勞工佇公共政策平台提案「一禮拜歇三工」，這个制度敢會做得？

3/22禮拜暗時七點半，台灣記事簿先𤆬你關心病院內辛苦的護理師，紲落才來看「一禮拜歇三工」這个制度到底敢會做得？。