【出走的護理師】降低護病比，擋袂牢離職潮？護理師為啥物欲出走？新冠疫情結束，煞有大量的護理師決定辭職，離職潮創下近5年新懸。離職的欠額，新進人員來袂赴補。病院「關床」、關開刀房，有的病院開刀愛等半年以上。閣有「跨科支援」成做日常，照護品質嘛予人真煩惱。超額的護病比，予真濟一線護理師身心出現狀況。工作環境無改善，護理師的出走潮惡性循環。   【台灣第一才子呂赫若】人講是「台灣第一才子」的呂赫若，伊的小說真tshiàng-suh去料著228的事件，到這馬伊的死閣是一个謎。伊捌講過一句話，「文學是一條苦難的路，是佮夢想戰鬥的路」，這是伊對文學的解說，嘛講出伊的一生。1935年，伊的小說佇日本時代是頭一批予人翻去中國的，伊佇咧台灣文學佮音樂的領域攏有真重要的地位。伊的小說以台灣人為主體性，描寫殖民地人民的悲哀，有真深的人道關懷佮評論精神，社會思想是傾向左傾，常予當局點油做記號。 5/12 禮拜日暗時七點半，綴台灣記事簿先來聽看覓出走護理師的心聲，才閣來熟似這位台灣第一才子呂赫若。

了解更多 →

新聞

出走的護理師、台灣第一才子 呂赫若｜台灣記事簿

出走的護理師、台灣第一才子呂赫若｜台灣記事簿