阿公阿媽的超級外送員、筍蟲 予社區動起來｜台灣記事簿
【阿公阿媽的超級外送員】
毋管風吹日曝雨淋，in只是為著共便當準時送去予序大，看著in的笑容。In送的毋但是便當，猶閣有一份關心。佇咧第一線接觸序大人，掌握in的身心狀況，這是送餐服務員的超級任務。
【筍蟲 予社區動起來】
筍蟲，也就是「黑水虻」，嘛有人共號做「肉筍」。這種蟲竟然會當帶動嘉義農村的經濟發展？ 人號做是「完美蟲豸」的筍蟲，幼蟲的時會當分解凊飯凊菜佮禽畜的屎，成蟲會使當做飼料飼雞，蟲蛹會當提煉甲殼素，蟲屎會當做肥料，就連保養皮膚的產品攏會當製作。 潘飼蟲，蟲飼雞，雞生蛋，徹底完成循環經濟的任務，也替農村改造揣著一條新路。
10/8 禮拜暗時7點半，綴台灣記事簿來看覓送餐服務員出任務的時愛做啥物？閣愛需要啥物工夫？ 送餐服務愛按怎培養閣較濟人投入，來替阿公阿媽送燒唿唿的便當咧？閣有看這个「筍蟲」有偌厲害！
了解更多 →