袂當閣飼豬 校園的潘欲按怎、台灣民防紀錄｜台灣記事簿
【台灣民防紀錄】
台海地緣政治風險繼續夯懸，中國無人機逐不時來亂，予台海面臨真大的安全壓力，國軍嘛不斷加強聯合防空佮反制演習，毋過毋但前線愛防衛，人民的自救韌性，也是決定輸贏的關鍵。
佇公園，會當看著有人咧演練短棍仔防身，嘛有民眾參加動態射擊訓練或者是戰傷急救課程，除了是用實際行動化解焦慮，嘛是向世界發出訊號，展現臺灣的民防實力。
【袂當閣飼豬 校園的潘欲按怎】
政府宣告對2027年開始禁止用潘飼豬了後，予校園重新來思考處理油潘的方式，除了送入去焚化爐，有學校選擇用食農教育，予學生了解珍惜食物的重要，減少浪費；嘛對源頭控制供應飯菜的量，予每一喙的飯菜攏袂討債。
「筍蟲」也會當成做消化校園油潘的大功臣，筍蟲雖然真細隻，毋過干焦一盤的筍蟲，就會當消化一公斤的油潘，這寡筍蟲嘛會當成做雞仔的食物之一。新北市新泰國小，對三冬前就開始咧飼筍蟲，希望會當共學生囡仔，培養循環再利用的概念。
8/30禮拜暗時七點半，台灣記事簿先𤆬你來看佇台海安全壓力愈來愈懸的現此時，除了國軍前線的防衛，民眾閣會當按怎做準備？紲落才繼續來看學校欲按怎減少油潘，閣有啥物其他的生物會當來鬥跤手？
了解更多 →