減少校園油潘大作戰｜台灣記事簿
【減少校園油潘大作戰】
2025年十月，台灣爆發非洲豬災的案例了後，農業部宣佈對2027年開始，袂當閣用潘來飼豬；猶毋過全台灣的校園，一工產生200至300噸的油潘，若欲減少油潘，對源頭管控營養午餐的供應量是一个辦法，嘛希望學生囡仔會當培養珍惜食物的習慣。為著欲減少油潘，有學校逐工記錄油潘的量，來調整料理的方式佮供應量；嘛有學校舉辦抾點比賽，只要共青菜食了，就會當提著貼紙，點數閣會當提來換點心，予減少油潘這層代誌，毋但是老師咧操煩，學生嘛會當共同來參與。
8/23禮拜暗時七點半，台灣記事簿𤆬你來看學校欲按怎來減少油潘，避免浪費，嘛予學生有珍惜食物的好觀念。
了解更多 →