筍蟲的循環革命、鬥陣十年！黃豆田的農村派對｜台灣記事簿
【筍蟲的循環革命】
為著欲預防非洲豬災的傳染，對2027年開始，國內全面禁止閣用潘來飼豬，這个時陣，無到兩公分長的「筍蟲」，成做處理油潘的關鍵技術。
筍蟲予人講是「地球上細隻嘛上厲害的清道夫」，細細隻的筍蟲煞有才調食真濟物件，1公斤的蟲卵孵出來了後，一工就會當食掉10噸的油潘；而且毋但是清道夫的身份，伊身軀頂的「烏色素」，閣會當提來做半導體的新材料。
對處理油潘、轉化做飼料，落尾進入到高科技的晶片；筍蟲雖然細隻，煞為咱帶來大大的改變。
【鬥陣十年！黃豆田的農村派對】
佇一片休耕的黃豆仔園，有人咧走，有人咧塗跤爬，逐家耍甲流汗糝滴；這是一場佇這塊土地發展出來的運動會。毋過，到底是啥物人會選擇佇休耕的黃豆仔園內底辦這款運動會咧？
田野勤學創辦人陳光鏡，十年前𤆬厝內的人離開都市，轉去到濁水溪邊的農村，為著囡仔，嘛為著想欲佇故鄉的土地種台灣本土的黃豆仔，伊選擇行一條逐家攏感覺誠辛苦的路。伊嘛去到社區猶閣有校園佮逐家對話，重新定義啥物是「好的生活」。
6/１４禮拜暗時七點半，台灣記事簿先𤆬你來看筍蟲會當按怎改變咱的生活，紲落才來看一場農村運動會背後的故事。
了解更多 →