兼顧生態保育、推廣家鄉，澎湖青年拚觀光發展｜青春咱的夢
【阮兜佇南方四島】
今年熱天氣溫直直衝懸，這時浸到清涼的海水內底是上緊消敨漚鬱熱氣的方式。澎湖這幾年來推出新的旅遊方式，坐船到南方四島國家公園，藏水沫、釣魚仔，閣加上專業的生態導覽，享受熱天的氛圍。
輕度開發予遮保留原始的天然景緻，猶毋閣嘛限制著地方的發展。島嶼的少年人為著留踮故鄉，就相招有志同齊開發濟濟種旅遊模式，唌觀光客來遮遊覽、𨑨迌。
公視臺語台「青春！咱的夢」9/2這禮拜六暗時7點半，咱做伙來去澎湖的南方四島，來看這寡若像掖咧海面頂，閃爍發光的珍珠島佮頂懸海島人的故事。
了解更多 →
