釘根台灣的日本人、強欲消失的拷潭菱角田｜台灣記事簿
【釘根台灣的日本人】台灣離日本足近的，佮其他的國家比起來，嘛閣較接受日本的物件，無論是食物，抑是動漫、漫畫、戲劇，所以台灣成做真濟日本公司拍入去亞洲市場，甚至是世界的頭一站。無論是為著追求夢想，為著市場的考慮，或者是欲閣較了解這塊土地，這攏予台灣變甲閣較豐富，這陣日本人離開故鄉來到遮追求夢想，嘛予台灣這塊土地有閣較多元、閣較美麗的文化佮風景。
【強欲消失的拷潭菱角田】20 外冬前，佇台88線猶未做進前，大寮有50 外公頃的菱角田，毋過完工通車以後，車路邊的農地一塊一塊消失。為著欲予較濟人看著大寮的菱角文化，在地社團嘛會舉辦活動邀請爸爸媽媽𤆬囡仔來參加。爭議真久的國道七號佇通過環評以後，預計2025 年開工，嘛會經過大寮，佇咧各種建設的規劃佮進行，舊社區的菱角田佮古厝會當佇開發的跤步之中繼續留偌久？ 5/4禮拜日暗時七點半，綴台灣記事簿先做來熟似這陣釘根台灣的日本人，落尾才閣來關注強欲消失的拷潭菱角田！
了解更多 →
