視障者嘛會𬦰山藏水、山海圳177K文化體驗｜台灣記事簿
【視障者嘛會𬦰山藏水】出門對視障者來講，其實真無簡單，毋過只要願意，無論是藏水或者是𬦰山，想會到，做會到，予𪜶接觸著的世界會當變閣較開闊。透過聲音、皮膚的感覺，甚至欶著山頂的空氣，感受大自然的魅力，這就是視障者𬦰山的趣味。嘛有會曉藏水的視障者分享講，藏水敢若咧飛咧空中彼號感覺，足自在的，而且落去的時陣，完全就無感覺講家己是看無的。� 經過一改閣一改的出來佮逐家𬦰山藏水，漸漸才發覺講，原來目睭看無嘛無啥物。
【山海圳177K文化體驗】對台灣來講，山海圳國家綠道是一條重要的文化路徑，總長 177 公里，海拔 0 公尺到 3952 公尺，起點是台南出海口「台江國家公園」，經過內海之路、大圳之路、原鄉之路、聖山之路，終點是玉山。177 公里的山海圳國家綠道，是一條串連漢人、平埔、原住民的文化路徑，嘛是一條親近土地的歷史之路。
8/17禮拜暗時七點半，綴台灣記事簿先做來看會曉𬦰山藏水的視障者，落尾才閣來體驗山海圳177K文化！
了解更多 →
