台灣當咧欠醫生、視障者的數位冊房｜台灣記事簿
【台灣當咧欠醫生】
佇台灣，過去是內科、外科、婦產科、兒科佮急診五个科別較揣無醫師，毋過最近連神經內科佮感染科嘛真僫揣。
這馬濟濟醫學系的學生畢業了後，毌是行傳統的科別，是選擇轉去做醫學美容或者是改途；過勞文化、醫療糾紛等等的問題是醫療人力欠缺的關鍵原因，欲按怎打造有尊嚴、健康的醫療環境，並且減輕醫護的負擔是真重要。
【視障者的數位冊房】這馬冊的形式愈來愈多元，視障者嘛會當透過有聲冊或者是電子冊的朗讀功能來吸收冊的內容；猶毌過，並毌是所有的電子冊攏有支援朗讀功能，平常時仔咧操作電腦，嘛定定會拄著較無利便的網頁設計。若是對視障人士的角度出發，就會發現咱數位無障礙的設計，猶閣有真濟做了無夠齊全的所在，予視障者佇吸收資訊的時受著限制。
3/15禮拜暗時七點半，台灣記事簿先𤆬你去醫療現場聽醫生的心聲，紲落才來了解視障者咧使用語音聽冊的時，會拄著啥物款的困難。
了解更多 →