視障者就業路歹行、古坑種咖啡 做伙拚名聲｜台灣記事簿
發布時間: 2024-01-27
【視障者就業路歹行】
視障者的工作敢干焦會當做掠龍？ 透過輔具佮培訓，𪜶嘛會當做有證照的咖啡師、調香師，等等各種行業。 就算證明家己的工作能力、態度都袂輸明眼人，視障者揣頭路猶是定定碰壁。 甚至障礙程度較嚴重的視多障者，愛按怎為家己揣出路？ 這集的記事簿，𤆬逐家做伙探討視障者就業路歹行。
【古坑種咖啡 做伙拚名聲】
台灣對日本時代，佇雲林就有規模咧種咖啡。後來因為種種因素，煞沒落去。一直到1999年921地動了後，咖啡變成古坑、草嶺振興聚落的重點。2003年，古坑鄉舉辦第1屆台灣咖啡節，予台灣咖啡重新回到台灣人的眼前。政府嘛開始扶挺農民種咖啡，甚至有莊園佇2020年得著CQI世界排名第1的成績！產量拼袂過國外產地，台灣咖啡欲按怎靠品質佇國際得著好名聲？
1/28 禮拜日暗時七點半，綴台灣記事簿先來揣台灣視障者的出路，閣來了解世界第一的台灣咖啡。
