大罷免 同意vs無同意、欲共台語抾轉來的少年人｜台灣記事簿
【大罷免 同意vs無同意】7月26台灣大罷免的投票結果出來矣，國民黨成功保牢 24 位罷免案的立委 ，有學者提出，這可能是因為有民眾黨協助國民黨提著少年選票，予國民黨的立委度過罷免這關。預估未來藍白合作百面會閣較密切 。面對大罷免失敗，民進黨未來三冬執政的路恐驚會閣較歹行。大罷免第一波投票結果國民黨一席都無減，藍白合作猶是掌握國會多數優勢，對執政的民進黨來講當然是誠大的挑戰。毋過公民團體佇咧三階段罷免的過程，也展現出誠強的活力佮耐力，會當講是公民政治一改重要的考驗，對台灣民主繼續深化有幫助。
【欲共台語抾轉來的少年人】有三个少年人大學讀的是台大政治系、法律系、政大新聞系，𪜶講會佇音樂創作用著台語，是因為成長的環境，閣有厝內的序大有咧講台語。看著台語文的珍貴，佇這塊土地成長的少年人認真用𪜶的方式，欲予閣較濟人看著台語文的困境，嘛願意做伙來珍惜台灣的母語。
8/3禮拜日暗時七點半，綴台灣記事簿先做來看這場大罷免，同意vs無同意，落尾才閣來熟似這陣欲共台語抾轉來的少年人！
了解更多 →
罷免案第一階段通過 有34件攏是泛藍立委
2025-03-11
