日頭花運動10年矣、時力猶有偌濟力｜台灣記事簿
【日頭花運動10年矣】
2014年3月18，因為反對《海峽兩岸服務貿易協議》烏箱通過，有民眾佔領立法院表達訴求，展開24工的日頭花運動。彼當陣不但引起國際的注意，也對台灣政壇佮社會產生真濟改變。10冬過去矣，這場運動為咱𤆬來啥物價值？
【時力猶有偌濟力】
2024年的立委選舉，時代力量輸甲真慘，一个立委的席次攏無提著。本集記事簿欲來採訪王婉諭、邱顯智，聽看覓對時力未來的看法。時代力量佇2015年奢颺出世，是一个因為公民運動才徛出來選舉的政黨，今馬10冬過去矣，時力煞拄著成立以來上大的挫敗，毋但提無立委席次，連補助款嘛請無。照這个範勢來看，時力敢閣有法度行落去？
3/17 禮拜日暗時七點半，綴台灣記事簿先來了解日頭花運動的過程佮影響，才閣來看時代力量猶閣賰偌濟力。
了解更多 →
