溪湖大做醮、醮場變教室 溪湖囡仔的文化課｜台灣記事簿
【溪湖大做醮】
彰化溪湖鎮對1929年開始，固定二十四年做一改醮，到今已經是第五改做醮，有超過30間宮廟做伙大鬧熱、祈求平安，是台灣真罕得看的光景。
溪湖全鎮大做醮，毋但是民俗科儀，更加是全鎮宮廟鎮民團結的表現。毋過欲按怎佇現代多元的社會保存遮的傳統文化，也成做真重要的課題。
【醮場變教室 溪湖囡仔的文化課】彰化溪湖兩紀年一擺的大做醮，毋但是全鎮大鬧熱，鎮內的學校也趁這个機會，予學生囡仔上好的民俗教育。有學校調整中晝頓的菜單，嘛有國小特別和社區大學合作，共全校的學生囡仔攏𤆬去到福安宮、肉山、溪湖藝文館行讀，予in了解咱做醮的意義，向望共傳統文化傳承予後一代。
5/3禮拜暗時七點半，台灣記事簿𤆬你去彰化溪湖，看當地24年一擺的全鎮大做醮，紲落閣看在地學校是按怎共這項重要的民俗文化和學校教育結合，予囡仔上特別的文化課。
了解更多 →
