拆樑行動─新世代的政治參與、少年照顧者 艱苦扛重擔｜台灣記事簿
【拆樑行動─新世代的政治參與】面對著超過四萬份的罷免連署書，基隆市長謝國樑無針對罷免的理由來回應，學者認為這改的罷免案，無論最後是成功抑是失敗，對這个政治人物已經造成傷害。這場罷免活動原底干焦由四个政治素人發起，經過六十工就收著超過四萬份的連署書，這改的罷免對基隆市民，對市長謝國樑猶，閣有對頭一改插政治的新世代公民攏是一改的試驗。
【少年照顧者 艱苦扛重擔】
佇這个高齡化佮少囝化的時代，若是厝內底的序大人失去自理能力的時陣，袂少少年人著愛擔起做照顧者的責任，少年照顧者長期的壓力對未來無法度計畫，失去方向，真需要社福體系來共𪜶鬥相共。細漢的時陣是失去天真，大漢了後是失去社交，二十幾歲的年紀著愛那做工課，那扛起照顧親人的重擔，生活有夠硬篤。若有一个社會支持系統。會當隨時佇𪜶的身軀邊，對這个家庭來講，伊就較會當往好的方向去發展，較袂行向負面的狀態，甚至造成社會問題。
7/28 禮拜日暗時七點半，綴台灣記事簿關心新世代的政治參與─拆樑行動，閣來看艱苦扛重擔的少年照顧者。
了解更多 →
