2024-06-29
傳承百年的龍鳳獅、失去的童年 囡仔照顧者｜台灣記事簿
【傳承百年的龍鳳獅】細漢時陣一家大細去廟會看鬧熱，攏會看到一陣大人佇廟埕頂弄獅弄虎，看了真正有趣味！毋過，關於這个台灣獅—龍鳳獅，大家是毋是足少聽到矣？這是一種除了龍佮獅仔以外，閣會加一隻鳳的陣頭表演，號做龍鳳獅。北港德義堂傳人吳登興作為文化資產保存者，真向望會當好好推廣龍鳳獅文化，毋但去學校教學生弄獅虎，閣堅持愛用手工紙糊獅頭，就是欲打拚莫予這个已經傳承百年的傳統文化消失去。
【失去的童年 囡仔照顧者】佇咱無看到的所在，有一陣辛苦的囡仔逐工攏咧照顧序大，甚至無閒、無台票會當去學校上課，只好那做散工那照顧厝內底的大人，𪜶號做囡仔照顧者。有人會問講，毋是閣有長照會當申請？毋過，政府有規定，病人若毋超過50歲是無法度申請的。囡仔照顧者毋是一生出來就是囡仔照顧者，是厝內雄雄有大人破病甚至離開，結果啥物攏袂曉的囡仔就愛擔起責任，開始照顧破病的大人，甚至伊閣有細漢的弟弟妹妹愛照顧，按呢的生活，是欲按怎叫人放心！
6/30 禮拜日暗時七點半，綴台灣記事簿來看傳承百年的台灣獅—龍鳳獅，紲落來做伙來關心失去童年的囡仔照顧者。
了解更多 →