實現家己的教育使命，代理老師的游牧教學之路｜青春咱的夢
【教育的游牧者】
今仔日是教師節，佇台灣若是想欲做公立學校的正式老師，著愛通過教師檢定提著資格、經過實習，才閣參加逐个縣市抑是學校的教師甄試了後才會使錄取任用。毋過根據監察院2021年的報告，現在有超過3萬个代理教師分布佇全台的中小學，雖然𪜶做佮正式老師仝款的工課，煞無法度得著相仝的就業保障。抑若面對少囝化開始裁併校，這寡代理教師又閣會當去佗位咧？
公視臺語台《青春！咱的夢》9/28這禮拜六暗時7點半，咱同齊來看遮的代理老師，為教育付出的故事。
了解更多 →
