少年世代發展在地產業，點著中寮希望的光｜青春咱的夢
發布時間: 2024-04-26
【點著返鄉的燈】
南投縣的北中寮這搭大部份是山區，遮佇 921大地動彼當時是損蕩甲真嚴重。災後協助重建的團體來遮進駐，當中嘛有在地人佇遮發展偏鄉教育、設立書房，予囡仔下課了後，會當有一个放學學習的所在。毋過這幾年來受著都市化衝擊，地方愛面對人口外移的問題，工作機會無濟，中寮青年嘛無法度，只好來離開。
書房遮的囡仔大漢以後，開始轉型發展工藝產業，想欲替在地帶來新的活力。嘛有返鄉青年，開咖啡店、改造𥴊仔店，予少年人佇家鄉有閣較濟發展的可能。
公視臺語台「青春！咱的夢」4/27這禮拜六暗時7點半，欲𤆬逐家來看，這寡青年替中寮所做的改變，𪜶是毋是有法度為家己的家鄉帶來新的機會。
