偏鄉囡仔的自信交響曲、師傅出頭天—水電爸爸｜台灣記事簿
【偏鄉囡仔的自信交響曲】
你敢知影佇嘉義布袋，有一个在地囡仔組成的青少年交響樂團？講著嘉義布袋，濟濟人的印象就是布袋漁港，遮是一个踏入超高齡社會的傳統漁村，每四个人，就有一个人是序大，少年人是愈來愈少。佇這款偏鄉，欲成立交響樂團，敢若是無可能的任務，毋過這陣海口囡仔，對一開啥物攏毋捌，到通演奏一條完整的歌曲，in的堅持，予生活開始有轉變。
【師傅出頭天—水電爸爸】
你敢看過「水電爸爸」的影片？YouTube頻道「水電爸爸」訂閱人數超過67萬，in毋但用輕鬆的方式分享水電維修智識，影片內底爸仔囝自然閣趣味的互動，攏是予水電爸爸受逐家歡迎的原因。
2026年三月，「水電爸爸」提著教育部頒發的本土語言傑出貢獻獎，伊共家己的人生經驗轉做一个一个趣味的影片，予台灣的水電技術佮工地的語言，會當保存落來、推廣出去。
8/16禮拜暗時七點半，台灣記事簿先𤆬你來看嘉義布袋鎮青少年交響樂團的故事，紲落才來看網衝「水電爸爸」的人生故事。
了解更多 →