楠西大地動的重建之路、走揣一百年前地動報告｜台灣記事簿
【楠西大地動的重建之路】今年1月21台灣閣拄著大地動，楠西成做重災區。規模6.4的地動發生到今，已經超過一個月，行入去台南市的楠西區，會當看著真濟間厝攏予人貼代表危險建築的黃單佮紅單，干焦紅單佮黃單就得欲一千戶。這改的大地動毋但共楠西居民的厝攏震歹去，嘛予𪜶𪜶𪜶居民的心理受著傷害，有人從此搬離開楠西，嘛有人選擇繼續守佇咧起家厝，重建家園的路雖然久遠，毋過踏出每一步，攏是楠西復興的希望。
【走揣一百年前地動報告】一百年前台灣無電腦無網路，地動消息欲按怎送？有的用電報的，有的用明信片的。氣象署的「地動修護室」內底，保存日本時代留落來的歷史資料，包括欲四百份的文件佮一千外頁的地動資料，閣有無仝年代觀測地動的儀器，遮的見證咱台灣觀測地動科學化時代的演變，攏是真珍貴真好的教材。共百年地動報告的資料重新整理佮活化，會當予政府佮民眾好好仔了解每一个地動的災害，按怎共預防措施做予周至，減少地動造成的災損是咱台灣愛要意的議題。
4/13禮拜日暗時七點半，綴台灣記事簿先來看楠西大地動的重建之路，落尾才閣來走揣一百年前地動報告！
了解更多 →
