【序大人欲去佗揣頭路】啥物！？6年以後台灣的勞動人口會減200萬人？台灣四界攏咧喊欠工，煞有超過7成的高齡失業者揣毋頭路。並且，今年2月政府閣和印度簽合作文件，想欲引進印度的移工，針對這點，專家嘛講，引進移工絕對毋是解決欠工唯一的方法。實際上，佇109年，中高齡者和高齡者就業促進法著已經通過。若發現頭家有年齡歧視的事實，上重罰150萬。毋過，專法是專法，私底下的歧視嘛是猶原存在。後來，勞動部決定和民團企業合作，透過就業媒合的方式，說服中高齡失業者來加入。毋過，若台灣勞動條件毋願改善，毋管是設立專法抑是引進外籍勞工，欠工的問題毋但無法度解決，嘛會造成社會安全網破空。   【啥人來救台灣古蹟】   修復古蹟，揣無傳統師傅！大木師傅人才出現斷層，是欲按怎才好！古蹟修復工程規模誠大，工種包括大木、小木、崁瓦、塗水、剪黏等等，才會當完成。按「古蹟修復及再利用辦法」規定，施工的扞頭師傅一定愛有傳統師傅的身份，是把關第一線文資修復品質的重要關鍵。毋過，按文資局110年統計，傳統師傅是841个人，但是留佇現場做修復的只有213个人，仝年修復需求人數煞至少愛525个人到底是啥物原因造成建築師傅的人才斷層？   3/31 禮拜日暗時七點半，綴台灣記事簿先來看序大人求職困難是欲如何來解決，才閣來思考台灣古蹟無人修復欲按怎才好。

了解更多 →