北方三島-海中明燈 彭佳嶼、臺糖反共抗俄列車｜台灣記事簿
【北方三島-海中明燈 彭佳嶼】
台灣上北爿的島嶼，佮棉花嶼、花矸嶼，予人稱做北方三島。 佇彭佳嶼忍受孤獨、等待運補物資，是燈塔守佮氣象觀測士的日常。 島上超過百年、去予列做國定古蹟的彭佳嶼燈塔，逐工日頭落海的時，就準時著起來，為船隻來引路。 氣象觀測員每3點鐘就愛目測天氣，逐工早晚8點施放探空氣球，回報數據到本島。甚至拄著風颱，猶閣愛冒險佇室外工作。 𪜶如何佇孤島看顧台灣北方海域？
【臺糖反共抗俄列車】
1955年5月初5，一台掛著蔣中正相片的火車，對台中出發，一路落南，6月初4行到東港，伊就是「反共抗俄台糖鐵路宣傳列車」。 隨著列車所經之處，有電影、表演、球賽，吸引百萬民眾前往，鬧熱滾滾。 然而，反共抗俄列車會當四界行，宣揚國威，後壁卻有一段白色恐怖迫害的歷史。 二戰了後，台糖第1任總經理－沈鎮南，按怎對重建台糖的大功臣，變成去予人銃殺的通匪大罪人？
12/24 禮拜日暗時七點半，綴台灣記事簿先來感受彭佳嶼的海風，閣來了解反共抗俄列車的秘密。
了解更多 →