北方三島-海中明燈 彭佳嶼、北方三島-探索島嶼海洋事｜台灣記事簿
【北方三島-海中明燈 彭佳嶼】
台灣上北爿的島嶼，佮棉花嶼、花矸嶼，予人稱做北方三島。 佇彭佳嶼忍受孤獨、等待運補物資，是燈塔守佮氣象觀測士的日常。 島上超過百年、去予列做國定古蹟的彭佳嶼燈塔，逐工日頭落海的時，就準時著起來，為船隻來引路。 氣象觀測員每3點鐘就愛目測天氣，逐工早晚8點施放探空氣球，回報數據到本島。甚至拄著風颱，猶閣愛冒險佇室外工作。 𪜶如何佇孤島看顧台灣北方海域？
【北方三島-探索島嶼海洋事】
彭佳嶼佮附近的花矸嶼、鳥嶼，合稱北方三島，是琉球佮廈門航線的中繼站，漁民臨時的避風港。遮是大海中，渡鳥停歇的天堂，嘛是洄游魚仔討食的樂園。 1996年，鳥嶼佮花矸嶼2座島嶼以及附近的海域，予政府公告為野生動物保護區。這馬若無申請袂使登島，緩衝區干焦漁船會使作業。 毋過，人生活的痕跡，嘛閣影響著島上鳥類，甚至是海洋生態，魚仔是愈來愈少矣.......
5/5 禮拜日暗時七點半，綴台灣記事簿先來欣賞北方三島的海中明燈—彭佳嶼，才閣來探索島嶼海洋事。
了解更多 →
