女子跳家將，突破陣頭傳統文化｜青春咱的夢
【女子官將首：出陣】
廟會中各種的陣頭是鬧熱滾滾，其中八家將佮官將首是上唌人目的。毋過佇老一輩傳統的觀念內底，查某人是袂使參與陣頭的。但是性別平權的觀念漸漸提升，陣頭文化已經毋是干焦屬於查埔人的舞台。
佇高雄就有一陣對傳統文化真有興趣的少年查某囡仔，成立一團『女子官將首』佇逐个廟會走傱， 𪜶用行動證明，性別無應該是信仰佮夢想的阻礙，是文化的傳承佮創新。
公視臺語台《青春！咱的夢》9/13這禮拜六暗時7點半，做伙來看這陣女子官將首欲如何改變廟會陣頭的傳統想法。
了解更多 →
