照顧以外 特有種劇團、生活漢藥房｜台灣記事簿
【照顧以外 特有種劇團】
衛福部統計 2024年，失能、失智、身心障礙者等長照需求人口大約90萬人，進一步估計，全台家庭照顧者超過130萬人。
桃園有一个真特別的劇團，in的團員是由家庭照顧者組成，予有仝款經歷的一陣人，會當成做互相支持的力量，暫時共照顧的重擔囥落。來in用即興劇的方式，逐家做伙搬戲，嘛做伙耍，團員佇表演內享受當下、敨放壓力，共家己的故事講出來，嘛重新共笑容揣倒轉來。
【生活漢藥房】
台灣傳統漢藥房，目前賰七千外間，面對時代演變佮發展，傳統漢藥房漸漸仔衰頹，濟濟漢藥房開始轉型，希望行入現代消費者的生活；2019年佇台南開始舉辦的「中藥藝術節」，毋但有市集排擔，閣兼辦行讀，𤆬遊客熟似台南漢藥的歷史。
市集、行讀、辦桌，傳統漢藥房向望用無仝方式予民眾接觸漢藥，予漢藥毋但是傳統醫藥的漢藥房，也成做逐家生活中的漢藥房。
1/4禮拜暗時七點半，台灣記事簿先𤆬你來聽家庭照顧者的心聲，紲落才來看傳統漢藥房欲按怎轉型？
了解更多 →