查埔人講袂出喙的照顧難題、日本建築師 呵咾台灣建築保存｜台灣記事簿

【查埔人講袂出喙的照顧難題】

根據衛福部調查，男性照顧者已經對一成提升到四成，毋過男性照顧者受著過去「查埔愛堅強、獨立」的傳統觀念影響，真濟傳統男性拄著問題慣勢欲家己想辦法，無愛討救兵，做家庭照顧者，使用照顧者支持資源的比例嘛較少，濟濟攏調適袂過來。

這馬有台灣失智症協會佮家庭照顧者關懷協會會當提供協助、舉辦交流活動，嘛鼓勵查埔人勇敢來討救兵，才會當予in佇照顧的這條路，袂閣孤單奮鬥。

【日本建築師 呵咾台灣建築保存】

渡邉義孝是日本一級建築師，佇日本真關心歷史建築調查佮舊厝再生，2011年一改訪台會議，予伊發現台灣嘛有真濟日本建築，而且攏有好好仔保存；因為佮意台灣的日本建築，十外年來來台灣欲三十改。

伊感慨仝款是傳統的日本式舊建築，佇保護修復這方面，日本猶有真大的進步空間，予伊想欲閣較了解台灣佮日本對舊建築保存的差別佮觀念。

1/11禮拜暗時七點半，台灣記事簿先𤆬你來關心男性照顧者會拄著啥物款的問題，紲落才來看日本建築師按怎呵咾台灣的建築保存。