1624台灣世界島、頭一間西式大學 台南神學院｜台灣記事簿
【1624台灣世界島】
1624年荷蘭人來到台灣以後，台灣對一个自由之島，變做開始有政權有國家統治的所在。彼當時，台灣就出現佇荷蘭人畫的亞洲貿易區域的地圖內底，歐洲國家開始來到亞洲做生理，各種商品佮物件佇台灣流通。
對四百年前到今，雖然每一个時期，關鍵的經濟物產會有變化，毋過無變的是咱台灣，猶原是各國貿易真重要的中心；這嘛是形成今馬台灣多元族群社會的重要基礎。
【頭一間西式大學 台南神學院】
台灣頭一間西式教育學校「台南神學院」，今年創校156年，創辦人馬雅各醫生，佮頭一任校長巴克禮牧師，用羅馬拼音書寫聖經傳福音，對台語文化保存，及台語現代化書寫與傳播，有誠大的貢獻。
巴克禮創辦「台灣府城教會報」，也就是今馬的「台灣教會公報」，1885年發行到今，是台灣第一份報紙，嘛是台灣歷史上久長的報紙。
9/21禮拜暗時七點半，做伙綴台灣記事簿坐歷史的時光機，先倒轉去17世紀的台灣，看彼當時貿易的情形佮世界文物，才來去19世紀的府城，參觀台灣頭一間西式大學！
了解更多 →