馬太鞍溪崩山湖 溢流崩岸致災、南部做大水敢有解｜台灣記事簿
【馬太鞍溪崩山湖 溢流崩岸致災】
花蓮光復馬太鞍溪，大水雨引發水頭崩山湖溢流佮潰堤，一路衝落去的塗石水，共經過的道路、汽車、人家厝，猶閣有馬太鞍溪橋，攏總沖歹去。為著幫助災區趕緊恢復，真濟外地民眾，自發前往花蓮協助救災，也就是逐家咧講的「塗鍤超人」。
欲按怎避免災難再次發生，按怎予受災地區趕緊恢復？佇這个時陣需要整體社會，閣較濟理性討論佮合作。
【南部做大水敢有解】
七月初的丹娜絲風颱，搧倒全台灣3500枝電火柱，造成一百萬戶失電，猶閣有真濟間的厝蓋攏予人掀去。七月底，南部又閣搪著連紲七工的大水雨，面對相連紲做水災，民眾是感覺誠無奈。
極端氣候愈來愈捷出現，落大水雨、透強風的情形，欲按怎減少災害，毋但是治水的設備愛齊全，閣較重要的是提懸防災的意識，才會當佇後一波風雨來進前，做好周全的準備。
10/5禮拜暗時七點半，綴台灣記事簿做伙來關心咱生活的這片土地，做伙思考欲按怎面對佮避免災害再次發生？
了解更多 →
