【台灣最後一个飼娘仔師】台灣飼娘仔的產業已經100 外冬，毋過1992 年以後咱娘仔觳的外銷價數拚袂過其他的國家，所以娘仔師攏總換頭路，到這馬全台灣干焦賰苗栗獅潭鄉最後一个飼娘仔師—涂泉明。涂泉明佇這个產業拍拚40外冬，伊捌講過，「若是講娘仔阮飼袂活，阮欲枵予死，阮就死佇娘仔葉面頂！」；對頂句就看的出來，涂泉明無想欲放棄，伊希望這个產業會當繼續延續落去，嘛當咧走揣多元發展的機會。【台灣上早8毫米家庭電影】佇咧電影發明的時陣，電影製造商為著欲普及化，開發35mí-lih以下小規格的底片，因為按呢百姓開始會當共生活的影像記錄落來。不而過斯當時的價數，猶毋是一般的民眾有才調買會起的。小規格的家庭電影佮商業電影的風格無仝款，遮的影片留落來的是彼个時代真實的面貌，以生活化的方式記錄無仝時代背景的民間文化。1/5 禮拜日暗時七點半，綴台灣記事簿先來熟似台灣最後一个飼娘仔師，落尾才閣來做伙看台灣上早8毫米家庭電影！

了解更多 →