林福地、周遊、蔡揚名 講：台語電影｜台灣記事簿
【林福地、周遊、蔡揚名 講：台語電影】
你敢知影《星星知我心》這齣電視劇？其實，林福地導演佇咧拍電視劇進前，有四年攏是咧拍台語片，1968年閣𤆬隊去日本的沖縄做一氣拍兩支台語片《琉球之戀》佮《夕陽西下》 ，兩齣電影的共同男主角陽明，演過兩百外支的台語片，嘛佇2021年提著第58屆金馬獎終身成就獎，陽明的電影生涯 ，有影是台灣電影的重要歷史 。
到甲1960、70年代，台語電影拄著的挑戰，毋但是華語電影搶占市場，電視的出現嘛是一个原因，佇厝裡就有通看的電視，漸漸仔共電影的觀眾搝去。佇這个影視產業足大的轉型期，周遊毋但拍電影閣愛拍電視，伊嘛漸漸進入華語影視箍仔，毋過，台語箍仔、華語箍仔，兩爿攏有人放刁。
10/11禮拜暗時七點半，台灣記事簿透過三位導演、演員，𤆬你來看台灣台語電影的歷史佮故事。
了解更多 →