美麗島事件與艾琳達、台灣捌有一條韓國巷｜台灣記事簿
【美麗島事件與艾琳達】1979年12月初十發生的高雄美麗島事件是台灣民主運動歷史上的大代誌，濟濟黨外人士攏予人掠去，彼當陣有真濟外國朋友人來鬥相共救援遮的政治犯，艾琳達就是其中一位。徛佇民主的現代回顧威權體制的戒嚴時代，政治犯彼種無依無倚的困境，真歹想像佇彼个年代28歲的艾琳達，一个外國人甘願放翁放囝，來到前途不明的台灣為著人權拍拚，對家庭伊講感覺虧欠，毋過為著理念，假使會當閣做一改選擇，伊嘛是仝款義無反顧！
【台灣捌有一條韓國巷】20年代開始，韓國人漸漸地增加，一方面是因為韓國、台灣、日本攏是帝國的範圍，第二方面是台灣開始經濟發展，所以需要有一寡勞動力。二戰結束了後，大部份的韓國人選擇離開台灣，抑若留佇咧台灣的韓國人是靠討海咧生活，𪜶大部份攏蹛佇咧基隆的勝利巷，遮嘛予在地人號做是「韓僑街」，也就是現此時基隆中正路的656巷。佇咧台灣的韓國人經過日本殖民、戰敗、冷戰，甚至後來中華民國佮韓國斷交，𪜶的生活佮台灣韓國之間外交的變遷有真密切的關係，這馬𪜶踮佇咧台灣的無仝所在，嘛成做台灣多元族陣的一份子！12/1 禮拜日暗時七點半，綴台灣記事簿先來熟似美麗島事件與人權工作者艾琳達，落尾才閣來了解台灣捌有一條韓國巷！
了解更多 →