2024-10-19
siat-tooh的滋味：男士理髮廳、頭一間西式大學 台南神學院｜台灣記事簿
【siat-tooh的滋味：男士理髮廳】
這馬追求鑠奅、追求快速的頭毛店愈來愈濟，傳統理髮廳的生理是愈來愈歹做，真濟間店攏已經收收起來。當當遮的老師傅一个仔一个有歲矣，欲去佗位揣傳統通siat-tooh的店？美樂士理髮廳有台南目前唯一一个會當徙振動的洗頭槽，已經有欲四十年的歷史，人客毋免起來就會當倒佇剃頭的椅仔頂，是真四序咧洗頭。雖罔綴時代的變化，傳統的理髮廳是一間仔一間收起來，毋過老師傅一粒一的手藝𠢕人對專業的堅持，猶閣有人佮人之間溫暖的感情，猶是予真濟人感覺真數念。
【頭一間西式大學 台南神學院】台灣頭一間西方式大學是佇咧台南，號做台南神學院，創校155年，今年選出來的副總統蕭美琴伊的阿爸嘛捌擔任過學院的第五任院長。台南神學院的創辦人馬雅各醫生佮第一任校長巴克禮牧師𪜶用羅馬拼音寫聖經、傳福音，對台語文化的保存、台語現代化的書寫佮傳播攏有誠大的貢獻。台灣第一份報紙「台灣府城教會報」嘛是巴克禮牧師創辦的，佇戒嚴時期，教會公報嘛出足濟篇二二八事件的文章，煞去予警總扣押。神學院嘛有真濟校友佇第一線佮人民徛做伙，對抗權威。
10/20 禮拜日暗時七點半，綴台灣記事簿先做伙來體驗siat-tooh的滋味，行一逝男士理髮廳，才閣來熟似頭一間西式大學 台南神學院。
了解更多 →