龜山島的時代記持、時光機—磁帶的歷史記持｜台灣記事簿
【龜山島的時代記持】龜山島自1800年開始有蹛人，島上的居民攏是靠掠魚仔為生，時間來到1974年的時陣，有500外个龜山島的居民予人集體遷徙去頭城大溪的一个「仁澤新村」的國民住宅，「龜山里」這个名嘛綴咧消失，佳哉有島民的拍拚，一路陳情去到監察院，才成功共名提轉來。龜山島是宜蘭縣的精神象徵，在地人向望爭取將龜山島登錄世界自然地景文化資產，𪜶用𪜶的性命經驗佮熱情守護佮記錄龜山島的一切，對𪜶來講，這毋但是一種使命感，嘛是𪜶對龜山島上深的感情佮責任。【時光機—磁帶的歷史記持】收集專業帶毋但是為著保存爾，每一个年代經典的戲劇、新聞佮綜藝節目 ，甚至是台灣民主化珍貴的記錄，經過數位化整理了後，提供學者做文化研究真重要的素材，而且嘛予後代會當了解台灣本土的文化佮影視藝術閣較深的歷史意涵。專業帶會號做是專業帶，是為著欲佮民眾常在使用的 VHS、V8、D8 來區分，有真濟真珍貴的資料，包括電視台、廣播節目佮真有歷史價值的紀錄片等等，因為VHS 等等的產品普及化，誠濟單位會用這種方式來保存，所以收集的項目嘛愈來愈豐富。2/9 禮拜日暗時七點半，綴台灣記事簿先來回想龜山島的時代記持，落尾才閣來坐時光機轉去揣磁帶的歷史記持！
了解更多 →
