龜山島的時代記持、龜山島遷村50週年｜台灣記事簿
【龜山島的時代記持】1974年有五百外个龜山島的居民予人集體遷徙去頭城大溪的一个「仁澤新村」的國民住宅，「龜山里」這个名嘛綴咧消失，居民為著爭取共地號名恢復做龜山里，一陣人做伙去到監察院陳情。佇大溪漁港目前有百三隻的漁船仔，內底有百分之97、98攏是龜山人經營的，各地真少有這號真典型的漁村，記憶毋是一種死的物件，敢若講你會記得這種代誌，伊是一種性命的過程。
【龜山島遷村50週年】今年是龜山島遷村50週年，當年「全世界行透透 龜山島猶未到」，這馬龜山島的居民佮北藝大的老師、學生合作舉辦50周年龜山島文化運動穿越祭，𤆬逐家重新熟似龜山島的文化。2000年龜山島開放觀光了後，登島來遮行踏的人潮少，就算人佮景觀攏已經改變，毋過對老一輩的人來講，往年𪜶配合政府遷村的政策，姑不而將著愛來離開，對𪜶來講，𪜶心中的厝、𪜶的根永遠攏佇咧這粒龜山島。
9/8 禮拜日暗時七點半，綴台灣記事簿走揣龜山島的時代記持，閣來做伙慶祝龜山島遷村50週年。
了解更多 →