去日本創業成做新的選擇，台灣青年佇日本實踐夢想｜青春咱的夢
【在日台青的夢想物語】
因為歷史背景佮地理相倚近，台灣人對日本文化是真佮意。經過統計，台灣參加日文檢定的人數佇全球排前三名，去日本讀語言學校佮留學的人數嘛誠濟。有真濟台灣人選擇佇日本留學、食頭路，甚至定居，展現對日本文化的佮意和認同。
這改《青春咱的夢》節目欲去到日本，採訪為著欲學做尪仔，已經蹛佇東京真濟年的台灣尪仔設計師。閣有共日式拉麵店接起來做，煞兼賣雞排佮粉圓奶茶的台灣拉麵店頭家。閣有共漢藥結合潮流，成功拍入去日本市場的台灣創業家。
公視臺語台《青春！咱的夢》10/12這禮拜六暗時7點半，欲𤆬觀眾朋友來去日本，看遮的台灣少年人欲按怎佇異鄉追求𪜶想欲過的生活。
了解更多 →
