戴振耀的革命青春、雲林人的故事館｜台灣記事簿
【戴振耀的革命青春】
這幾工才搬的《鹽水大飯店》這齣戲，講的是農民立委戴振耀的故事。戴振耀是有史以來第一个非國民黨籍當選立法委員的農民團體，閣較是以母語問政的頭一个立委。伊是美麗島事件的政治受難者，嘛是推捒農民運動的先驅。戴振耀的青年歲月，攏佇咧對抗戒嚴體制佮參與農民運動。就算坐監，佇伊身上看著的，攏是快樂的革命青春記持。伊講彼是一段「因為勇敢，所以快樂」的日子。
【雲林人的故事館】
1997年進前，雲林虎尾無任何官方的歷史建築或者是古蹟，甚至共舊戲園等等的建築拆掉。一直到雲林故事人協會創辦人唐麗芳轉來台灣，需要一个講故事的所在，才佇日本時代起的虎尾郡守官舍這間老厝，成立這个雲林故事館。唐麗芳初期定去幼稚園講故事，𤆬囡仔對聽故事學講故事，甚至共故事畫出來。這款的形式漸漸影響真濟學校，湠去到社區，對囡仔延續到大人嘛來參加，後來拄著虎尾郡守官舍當咧做修復，拄好會當成做講故事的基地。以故事館的方式活化利用，保留一棟舊建築，來帶動雲林文化產業的發展，予地方有無限的可能性。
3/24 禮拜日暗時七點半，綴台灣記事簿先來了解農民立委戴振耀的革命青春，才閣來欣賞雲林人的故事館。
了解更多 →