【北方三島-探索島嶼海洋事】彭佳嶼佮附近的花矸嶼、鳥嶼，合稱北方三島，是琉球佮廈門航線的中繼站，漁民臨時的避風港。遮是大海中，渡鳥停歇的天堂，嘛是洄游魚仔討食的樂園。 1996年，鳥嶼佮花矸嶼2座島嶼以及附近的海域，予政府公告為野生動物保護區。這馬若無申請袂使登島，緩衝區干焦漁船會使作業。毋過，人生活的痕跡，嘛閣影響著島上鳥類，甚至是海洋生態，魚仔是愈來愈少矣.......   【地藏王護法-官將首】官將首跤步陣法一踏，一个一个威風盡展！走一逝新莊地藏庵大眾廟，遮有名的毋但是一年一度新莊的大拜拜，更是官將首的發源地。你敢知影官將首的組成通常有幾个人？又分別代表佗一位將軍？官將首佮八家將閣有啥物無仝？將首團的3个靈魂人物，予人稱做「三師」，分別是導師、面師佮法師，𪜶閣有啥物重要性？ 12/31 禮拜日暗時七點半，綴台灣記事簿先來基隆杙掠魚，閣來了解官將首的內才佮氣勢。

了解更多 →