石滬 吉貝嶼活古蹟、日照教室設佗位｜台灣記事簿
【石滬 吉貝嶼活古蹟】
澎湖攏總有609口石滬，佇本島北爿的吉貝嶼，石滬的密度上懸 有112口，嘛予人叫做石滬的故鄉。石滬有三百外年的歷史，發展出一種真趣味的股東契約制度。石滬嘛代表財富，會當留予查某囝做嫁妝。總共超過330公里長的澎湖石滬，是按怎修造的？ 有錢出錢、有力出力的股東契約制欲按怎進行，決定啥人會當「滬主」咧？ 過去又閣是按怎弓起澎湖鄉里的經濟？
【日照教室設佗位】
衛福部自2019年起，大力推捒「一國中學區一日照」，毋過到這馬閣有115个國中學區無日照中心。 加上少囝化，國小教室無人咧使用，衛福部想欲共日照中心設佇國小教室，5年來，全台只有38間學校投入。 這項政策的用意誠好，實際執行拄著啥物困難咧？ 每一个人攏會老，欲按怎打造友善的養老環境？
10/29 禮拜日暗時七點半，綴台灣記事簿去一逝澎湖吉貝嶼，閣來去學校內底陪阿公阿媽上課、運動。
了解更多 →