限時美術館：紙糊萬千世界、海底沉船揣寶｜台灣記事簿
【限時美術館:紙糊萬千世界】
金門后湖卯年海醮，每到兔年才有1擺！ 這是金門上大的海醮儀典，歷史悠久超過百年，嘛予文化部列做無形文化資產。 起因是1914年發生海難，有6位村民掠魚失事。 迎先民、幽魂來到靈厝祭拜，海醮需要的各種祭品真濟，尤其是特別製作的糊紙祭品，有天公亭、水府、水龍宮、靈厝、大士爺等等，也變成后湖海醮的一大特色。 比起台灣本島，金門的糊紙更加幼路，保留閣較濟傳統風采。 金門糊紙藝師翁文標、許炳輝展現工夫，用糊紙工藝打造醮壇，就親像一座限時的民俗美術館。 醮典完滿、化吉，這座美術館就關門矣。
【海底沉船揣寶】
「十去、六死、三留、一回頭」是先民佇咧迒過烏水溝的時陣的描述，從15世紀的大航海時代，台灣就是海頂絲路的必經之路，毋過海象險惡，洋流、烏潮、風颱，一逝路真危險，袂少船仔佇海頂發生海難。遮沉佇咧海底的寶藏，包括沉船、一寡聚落遺址，就變做水底遺產的範圍。台灣佇咧2015年公布水下文化資產保存法來調查佮保存這寡文物。
11/26 禮拜暗時七點半台灣記事簿欲來去離島，先來金門看12年一改的后湖海醮糊紙工藝，才來去澎湖看藏佇海底的古蹟遺物。
了解更多 →
