南山大舞台｜台灣記事簿
【南山大舞台(上)】
台南的南山公墓是台灣現存規模上大，歷史上久的墓區，上早會當看著17世紀荷蘭人統治台灣時陣的墓，閣有濟濟佮台灣發展有關的仕紳頭人攏佇遮，若像一間藏台南四百年歷史的博物館。
2025年台南文資審議委員決議，南山公墓無欲登錄做文化景觀，2026年初，台南市政府公告C區遷葬補償；文史團體發起公投連署想欲保護南山，公投的訴求是想欲成立以整體文化佮環境保存為宗旨的南山墓葬歷史生態園區。
【南山大舞台(下)】
台南市政府欲做一个集中的殯葬專區，欲用著南山墓區其中的30公頃，欲將這馬國民路、中華南路口的殯儀館攏徙入來南山，嘛有可能欲起三座新的靈骨塔，若照這个計畫來行，就有強欲一萬門的墓需要遷走，引起真濟無仝聲音的討論。
南山公墓是毋是愛共保存，閣欲按怎保存，社會大眾意見無仝款；支持保留南山的民眾認為，南山毋但是歷史佮文化的議題，嘛是環境佮氣候的問題。
6/21禮拜暗時七點半，台灣記事簿𤆬你來去台南一逝，做伙關心南山公墓的保留爭議，閣有伊四百年來的歷史佮文化。
了解更多 →