台灣延續香港民主之火、南山一粒一導覽員 豪哥 ｜台灣記事簿

【台灣延續香港民主之火 】

2020年香港通過國安法了後，言論自由大大倒退，林榮基將「銅鑼灣冊店」這塊kha̋ng-páng對香港紮來到台灣，香港政治學者陳健民，嘛選擇搬來台灣，欲共香港對抗強權的這條路，佇台灣繼續行落去。

當當香港不再自由，銅鑼灣冊店佇台北經過重啟佮遷徙；過去珍貴的社運文物，也收藏佇中研院，予台灣成做重要的思想堡壘。

【南山一粒一導覽員 豪哥】

台南市中西區有一間聯彩布庄，頭家「豪哥」毋但會曉寫春聯、做喜幛，閣是南山一粒一的墓仔埔導覽講古的人，綴伊來南山一逝，會當聽著濟濟台南的歷史故事和文化智識。

南山公墓的歷史倚欲四百年，有濟濟仕紳名人攏蹛遮，包括這幾年蓋衝的黃仁勳的外公嘛是。 南山的公媽毋但是講台語的，也有對廣東、廣西來的，作家白先勇的老爸，廣西籍的白崇禧將軍，嘛捌寫一對墓聯送來遮。

6/28禮拜暗時七點半，台灣記事簿先𤆬你來看香港主權移交咧欲29冬，來台灣生活的銅鑼灣冊店主人林榮基和「佔中三子」之一的陳健民有啥物款的心情佮感受，紲落才轉去台南的南山公墓，看聽「豪哥」講濟濟南山的歷史故事。