極端氣候的種作救星、拜六下晡的 松柏坑焚化爐PARTY｜台灣記事簿
【極端氣候的種作救星】
2023年聯合國的報告指出，過去30冬的極端氣候，已經予全球農業的損失有3兆8千億的美金，台灣嘛是損蕩了誠嚴重；有農民表示， 這馬該冷的時陣無冷，該落雨的時陣嘛無落雨，較早前輩的管理經驗，已經無法度應付遮的氣候變遷。
今有人開發智慧農業系統，毋但會當控制沃水，閣會當提供天氣的分析，包括霧氣佮落雨的狀況，對種作管理是真有幫贊。
【拜六下晡的 松柏坑焚化爐PARTY】
天氣清彩的拜六下晡，樂團「農村武裝青年」來到南投名間鄉的松柏坑，in那講那唱歌，講著茶農對焚化爐的擔憂。嘛紹介逐家參拜百年茶鄉的信仰中心：受天宮玄天上帝，佮茶芳飽滇的茶米博物館。
台灣人一冬啉上億杯的手摵茶，其中70%的茶米是對南投縣名間鄉來的。這个濁水溪邊的茶鄉，若是真正起焚化爐，消費者敢會就按呢毋敢來啉名間出產的茶？環評會議猶閣咧吵吵鬧鬧無收煞，名間茶鄉的命運行來到十字路口。
8/2禮拜暗時七點半，台灣記事簿先𤆬你來看佇極端氣候、氣候變遷之下，農民如何使用智慧農業系統幫助種作，紲落才來看南投名間鄉的焚化爐爭議，閣有名間茶米產業的過去佮未來。
了解更多 →